"‘बाबा सिद्दीकीच्या आधी सलमानलाच संपवायचं होतं’; शूटरचा धक्कादायक खुलासा"

 बाबा सिद्दीकी हत्येप्रकरणी अटक केलेल्या शूटरने आणखी एक मोठा खुलासा केला आहे. त्याच्या म्हणण्यानुसार, "बाबा सिद्दीकीच्या आधी सलमानला मारण्याचा प्लॅन होता. मात्र, सलमानभोवती नेहमीच सुरक्षा असल्यामुळे तो प्रयत्न फसला. तरीही त्याला ठार केल्याशिवाय शांत बसणार नाही," असा धक्कादायक दावा त्याने केला आहे.

बॉलिवूड अभिनेता सलमान खानच्या जीवाला अजूनही गंभीर धोका आहे, आणि त्याला मिळणाऱ्या कडेकोट सुरक्षेमुळेच तो सुरक्षित आहे. बाबा सिद्दीकी हत्येप्रकरणी अटक झालेल्या आरोपी शूटरने मोठा खुलासा केला आहे. त्याच्या मते, "बाबा सिद्दीकीच्या आधी सलमानला मारायचा प्लॅन होता. मात्र, सलमानच्या सुरक्षेमुळे तो पर्यंत पोहोचणे शक्य झाले नाही."

बाबा सिद्दीकीच्या आधी सलमानला मारायचा प्लॅन
शूटरने पोलिस कोठडीत सांगितले की, सलमान खानला ठार मारण्याचा कट गँगस्टर लॉरेन्स बिश्नोईने रचला होता. बिश्नोईच्या हिटलिस्टवर सलमानचं नाव अजूनही आहे. बाबा सिद्दीकी यांची हत्या केवळ सलमानसोबतच्या मैत्रीमुळे करण्यात आल्याचंही उघड झालं आहे.

काळवीट शिकारीमुळे बिश्नोई समाजाचा राग कायम
सलमान खानवर बिश्नोई समाजाचा राग काळवीटाच्या शिकारीपासून सुरू आहे. कोर्टाने सलमानची निर्दोष मुक्तता केली असली तरी बिश्नोई समाजाने त्याला अजूनही माफी दिलेली नाही. याच रागातून सलमानला जीवे मारण्याच्या धमक्या आणि खंडणीची मागणी केली जात आहे.

सुरक्षा वाढवण्यात आली
सलमानला मिळणाऱ्या सातत्याच्या धमक्यांमुळे त्याची सुरक्षा अधिक वाढवण्यात आली आहे. 4 डिसेंबर रोजी, सलमानच्या शूटिंग साईटवर एक अनोळखी व्यक्ती बेकायदेशीरपणे घुसला होता. त्याने स्वतःला बिश्नोईचा सहकारी असल्याचा दावा केला होता. पोलिसांनी त्याला ताब्यात घेतलं असून अधिक चौकशी सुरू आहे.

बाबा सिद्दीकी हत्या आणि आरोपींची अटक
12 ऑक्टोबरला बाबा सिद्दीकी यांची हत्या झाली होती. मुख्य शूटर शिवकुमार गौतम याला उत्तर प्रदेशमधील नानपारा येथून अटक करण्यात आली. त्याने पोलिस चौकशीत सलमानच्या हत्येच्या कटाविषयी खुलासे केले आहेत.

या सर्व प्रकरणांमुळे सलमान खानचा जीव धोक्यात असल्याची बाब पुन्हा एकदा स्पष्ट झाली आहे.